Dantzertin dantza eta arte eszenikoak ikasteko aukera duzu
Dantzerti du izena Euskadiko Arte Dramatiko eta Dantzako Goi Eskolak. Duela sei urte sortu zen eta, beraz, zazpigarren promozioa hartuko du 2024-2025 ikasturtean. Askorentzat oraindik oso ezaguna ez bada ere, aukera egokia da arte eszenikoen eta dantzaren esparruan lan egin nahi duten gazteentzat, bai antzezle eta bai dantzari gisa.
Eskolak apirilaren 17tik maiatzaren 17ra irekita du 2024/2025 ikasturterako izena emateko epea. Hautatutako ikasleek goi-mailako prestakuntza jasoko dute, esperientzia praktikoekin, besteak beste, Barakaldoko Antzokiarekin edo Azkuna Zentroarekin lankidetzan.
